Денес мора да победи Република Македонија, а потоа и нејзините граѓани, бидејќи заслужуваат убав живот и поубава иднина. 30 септември е еден од позначајните датуми, 2018 треба да биде запаметена како година на историска одлука, која граѓаните на Македонија треба да ја донесат денеска, изјави градоначалникот на општина Куманово, Максим Димитриевски по гласањето.
Тој апелираше до граѓаните да има мирен референдум на кој граѓаните ќе можат да се произнесат и ги повика самите да донесат одлука.
Тој посочи дека круцијалните одлуки ги носат македонските граѓани и се заблагодари на медиумите кои објективно и непристрасно го следеа референдумскиот процес.
– Кумановци знаеле да донесат големи одлуки и тоа ќе го сторат и денеска, додаде Димитриевски.
