До 10 часот во Македонија на гласање излегле 204.783 лица или 12,49 отсто.
Како што соопшти Државната изборна комисија, ова се резултатите од 2.664 избирачки места.
Излезноста е најголема во Кратово 22,29 отсто, во Кичево 20,89 проценти и во Крушево 18,22, а најмала е во Боговиње каде што на гласање излегле 6,5 отсто.
Според портпаролот на ДИК Билјана Јовановска, во Скопје до 10 часот гласале вкупно 48.497 лица или 10,75 отсто од евидентираните во Избирачкиот список.
