Екипи на Јавната здравствена установа Центар за јавно здравје-Битола, денес и утре ќе извршат превентивна систематска дезинсекција на територијата на општините Демир Хисар, Новаци и Могила.
Од ЈЗУ Центар за јавно здравје-Битола информираат дека во општина Демир Хисар теристичката дезинсекција или активности од земја со запрашување ќе се врши од 19 до 2 часот по полноќ, со апаратура за ладно запрашување и ќе се реализира врз зелените површини на општината, застојни води, каналниот систем и други локации во таа локална самоуправа.
– Втора фаза од дезинсекцијата со цел уништување на комарците ќе се врши во истиот период и време и во општините Новаци и Могила. Во Новаци со дезинсекција опфатени се подрачјата по течението на река Црна, каналниот систем, локалитети со застојни водени површини и делови од населбите, додека пак во општина Могила акцијата ќе се реализира кај зелените површини, по течението на реки и водотеци и други жаришта каде најчесто има комарци, посочуваат од ЈЗУ Центар за јавно здравје-Битола.
Од ЈЗУ-Центар за јавно здравје-Битола информираат дека третирањето ќе се врши со препаратот „Aqua K-Othrine“ со активна сустанца „Deltametrin“, а превентивно за активносите ги известиле и здруженијата на пчеларите од општините Демир Хисар, Новаци и Могила.
