Деветнаесетгодишна девојка од Струмица, го загуби животот во тешката сообраќајна несреќа што се случи утрово околу 4 часот, на патот Струмица-Радовиш, во близина на селото Радичево.
МВР соопшти дека во несреќата учествувале возило со бугарски национални ознаки управувано од 31 годишно лице од Струмица и товарно моторно возило со радовишки регистарски ознаки управувано од 44 годишно лице од Радовиш.
„Во незгодата на местото на настанот починала сопатничката во патничкото моторно возило од Струмица , а возачот се здобил со тешки телесни повреди и бил пренесен во Коплекс клиники „Мајка Тереза“ за укажување на лекарска помош“, соопшти МВР.
За настанот е известен јавен обвинител, a увид на местото на настанот извршила екипа на СВР Струмица.
