Во текот на вчерашниот ден на подрачјето на Скопје се случиле девет сообраќајни незгоди. Од нив, три се со последица материјална штета и шест со последица телесна повреда во кои со полесни повреди се здобиле четворица возачи на патничко моторно возило, тројца сопатници, пешак и возач на мопед.
Според евиденцијата на сообраќајната полиција, случени се уште четири незгоди со мала материјална штета во коишто е пополнет Европскиот извештај за случена сообраќајна незгода.
Во текот на вчерашниот ден од страна на сообраќајната полиција санкционирала шест возачи кои не отстапиле првенство на минување на пешаците на обележан пешачки премин, девет возачи кои не го почитувале ограничувањето на брзината на движење, четворица возачи кои не го почитувале светлосно сообраќајните знаци на крстосниците, 16 возачи кои не го користеле безбедносниот појас или користеле мобилен телефон при возење и 12 пешаци кои поминале вон обележан пешачки премин.
Со помош на специјалното возило „пајак“ во текот на овие два дена од страна на сообраќајната полиција отстранети се 73 возила кои го попречувале нормалното одвивање на сообраќајот.
Отсекот за превенција при Единицата за безбедност во патниот сообраќај при СВР Скопје во рамки на своите активности ќе одржи едукативни работилници во ОУ „Крсте Мисирков“ кое се наоѓа во населбата Ченто на територијата на општина Гази Баба.
За денеска не се најавени вонредни настани со што се очекува сообраќајот да се одвива тековно и според постоечката сообраќајна регулатива.