Две лица се здобиле со лесни телесни повреди во две сообраќајни незгоди од вкупно девет што се случиле изминатото деноноќие на подрачјето на Град Скопје. Во седум сообраќајни незгоди е причинета материјална штета.
Според податоците на СВР Скопје, полицијата од сообраќај исклучила 52 возачи со поголема брзина од дозволената, тројца возачи кои управувале возило под дејство на алкохол и 19 возачи пред да се стекнат со право на управување моторно возило
За непрописно паркирање се издадени 76 казни, 18 за нерегистрирани возила, а со специјалното возило „пајак“ подигнати се 67 возила.
Казнети се и двајца пешаци кои поминале коловоз вон пешачки премин, седум возачи кои поминале крстосница на црвено светло, тројца возачи кои не дале првенство на минување на пешаците на обележан пешачки премин и еден возач за неправилно престигнување.
За некористење на заштитен шлем од страна на возачите на велосипед со мотор, мопед и мотоцикл санкционирани се 17, за неносење сигурносен појас од страна на возачите за време на управување на моторното возило 17, седум возачи за неносење сигурносен појас за време на управување на моторните возила и 12 возачи кои користеле мобилен телефон за време на управување на моторни возила.