Нови прозорци, 100 нови кревети, реконструкција на тоалетите, бањите, санитарните чворови, нови лифтови, реконструкција на климатизацијата, комплетната климатизација во оваа болница. Сето ова е предвидено да се реалзира за една до две недели како прва фаза од реконструкцијата на детската клиника.
Ова го најавија министерот за здравство Никола Тодоров и премиерот Никола Груевски кој рече дека „Вториот дел од опремата пристигнува на 7 јули и со тоа ќе се докомплетира потребната опрема за Детската клиника“.
Парите се обезбедени од Буџетот и од оние 50 проценти од парите што се прибираат од регистрација на лекови во Бирото за лекови и се пренаменети да одат директно за потребите на Детската клиника.