Возач удрил во 11-годишно дете пешак во Куманово, кое се здобило со тешка телесна повреда по што му била укажана лекарска помош во Општата болница-Куманово и било задржано на понатамошно лекување.
Како што соопшти денеска полицијата, сообраќајката се случила вчера во 10:40 часот на крстосницата од булеварите „Трета македонска ударна бригада“,„Октомвриска револуција“ и улицата „Б.Б.Гуцман“. Во несреќата патничко моторно возило „мерцедес“ со кумановски регистерски таблици, управувано од Ј.М.(53) од Куманово удрило во детето.
Увид извршила увидна екипа од СВР-Куманово. Се работи на целосно расчистување на случајот.