Рената Дескоска, професор на Правниот факултет и избран пратеник како носител на листа во Изборната единица 1 од СДСМ и здружената ошпозиција, на својот ФБ профил реагира на денешните дискусии во Комисијата за деловнички и мандатно имунитетни прашања.
Еве што напиша Дескоска: „На насилието на ВМРО-ДПМНЕ нема крај! Денес слушам пратениците во оставка биле неоправдано отсутни. ВМРО-ДПМНЕ неспоивите работи ги спојува! Како може да цените отсуство на некој кој е во оставка?! Ова не е ништо друго освен уште една злоупотреба на Трајко Вељановски! Ако некој цени дека ние сме биле неоправдано отсутни, тогаш за тоа е крив Трајко Вељановски кој ја злоупотребува својата положба со тоа што не ги констатира нашите оставки! А да го потсетиме дека за таквата злоупотреба не важи пратеничкиот имунитет! Нека си го препорочита Уставот! А злоупотреба на службена положба е кога со искористување на службената положба некому му правите штета… Од било кој вид, вклучувајќи ја и штетата на честа и угледот! Јас никаде, дури ни во школо не сум имала ниеден неоправдан изостанок“. Дескоска неколку пати реагираше и изјавуваше, дека Собранието требаше само да ги констатира нивните оставки, а не да расправа и да оценува дали биле оправдано или неоправдано отсутни.
