МВР врз основа на направена идентификација од снимките добиени од медиумите, претпалднето и синоќа на службен разговор повика десетина лица поврзани со инцидентите од минатиот викенд.
За пет од нив, соопшти денеска од МВР, постојат сомненија дека се инволвирани во петочните инциденти, додека останатите во инцидентите кои се случија во саботата. Три од лицата се малолетници.
Во моментов, лицата се распоредени по полициски станици и со сите нив се разговара. По целосно документирање, во консултација со надлежниот Јавен обвинител, против сите за кои ќе има доволно докази ќе бидат процесуирани соодветни пријави.