Општина Кисела Вода денеска почна акција за дератизација на јавните површини со која ќе бидат поставени мамци против глодари во 3.860 шахти.
Дератизацијата започна од населбата Драчево, а во следните 20 дена, како што најавува општина Кисела Вода, ќе бидат опфатени јавните површини и во другите месни и урбани заедници.
– Дератизацијата ја спроведува Токси Вет во соработка со ЈП Водовод и канализација и Општина Кисела Вода, преку Секторот за комунални работи, инфраструктура, сообраќај и заштита на животната средина, се вели во соопштението.