Денеска студено со дожд, снег на планините и на повисоките места

Од:

Времето денеска ќе биде променливо облачно и студено со повремени врнежи од дожд.

На некои од повисоките места ќе има врнежи од дожд и снег, а на планините повремен снег.

Ќе дува умерен до засилен северен ветер. Минималната температура ќе се движи во интервал од 2 до 7 степени, а максималната од 4 до 11 степени.

Во Скопје облачно и студено со врнежи од дожд, а на повисоките места од котлината со повремени врнежи од дожд и снег.

Ќе дува засилен ветер од северен правец. Минималната температура ќе се спушти до 3, а максималната ќе достигне 7 степени.

Според УХМР, под влијание на циклонска активност нашата држава е зафатена од студен бран кој доаѓа од северните делови на континентот.

Вкупно од овој бран се очекува на повеќе места да наврнат над 50 l/m² дожд.

На планините врнежите ќе преминуваат во снег, при што ќе се формира значителна снежна покривка.

Поради натамошно спуштање на студен воздух денеска ќе има услови врнежите од дожд да преминуваат во снег и на некои од повисоките населени места.

За време на викендот времето ќе биде стабилно со ниска утринска температура, а дневната ќе биде во благ пораст.

Би можело да ве интересира

Снег, магла и одрони на патиштата низ Србија: Камионите на „Батровци“ чекаат и до три часа, на возачите им се советува да бидат внимателни

Денеска променливо облачно со повремени локални врнежи од дожд

Денеска претежно облачно со повремени врнежи од дожд, локално пообилни со над 25 литри на метар квадратен

Денеска променливо облачно со локален дожд

Денеска променливо облачно со повремен дожд

Ноќеска дожд, утре променливо облачно и постудено, наместа ветер над 60 км/h