СДСМ: Денеска се потпишавме на иницијативата на граѓанското здружение „АМАН“

Од:

„Денеска сме во подрачното одделение на Државната изборна комисија во општина Центар, каде се потпишавме на иницијативата на граѓанското здружение „АМАН“ за собирање десет илјади потписи за измени во Законот за енергетика, враќање на евтината дневна тарифа за струја и укинување на Правилникот за топлинска енергија на Топлификација.

– Целосно се согласуваме со барањата на оваа граѓанска иницијатива, која се противи на самоволието и партиските одлуки на Регулаторната комисија за енергетика. Одлуки кои одат директно на штета на граѓаните, а во корист на државата и на енергетските монополи.

– Две од овие одлуки беа посебно апсурдни и донесени на крајно нетранспарентен начин. Да потсетиме дека Регулаторната комисија на 1 август, во пресрет на празникот Илинден, кога поголем дел од граѓаните се на одмор или празнуваат, скришно, на крајно нетранспарентен начин донесе одлука со која струјата ја поскапува за десет проценти, а во исто време ја укинува и дневната евтина тарифа.

– Укажувавме дека овој нечесен потег на Комисијата всушност ќе значи зголемување на цената на струјата за над 20 проценти, а тоа и го покажаа податоците на Државниот завод за статистика. Граѓаните имаат полно демократско право да се побунат против ваквите одлуки на Регулаторната комисија и затоа оваа иницијатива ја има нашата поддршка.

– Сакаме да ги повикаме сите граѓани кои чувствуваат дека се изиграни од ваквиот однос на Регулаторната комисија масовно да излезат и да го дадат својот потпис на граѓанската иницијатива на „АМАН“, со што спорните одлуки на Комисијата ќе се најдат на повторно разгледување пред пратениците во Собранието на Република Македонија“, изјави Јани Макрадули, кандидат за градоначалник на Град Скопје.

Би можело да ве интересира

(ВИДЕО) Кузеска: За робусниот скандал на Меџити со вработување на 3.000 партиски војници мора да има одговорност

А1он

СДСМ: Меџити спроведува робусна партизација со 3.000 партиски кадри, а Мицкоски молчи

А1он

ВМРО-ДПМНЕ реагира на пресот на СДСМ: Лага е дека ќе се вработуваат 3000 лица

Петрушевски: Ако Филипче и СДС не го осудат говорот на омраза на Орданоски кон Трамп и САД тие даваат сигнал дека се согласуваат

Кузеска: Историски најголема партизација, 3000 партиски кадри ќе вработи Изет Меџити

Венко Филипче единствен кандидат за претседател на СДСМ за партиските избори на 16 март