Времето денеска ќе биде променливо облачно со сончеви периоди.
По одделни котлини ќе има појава на магла.
Ќе дува слаб ветер од југоисточен правец.
Минималната температура ќе биде во интервал од – 4 до 1, а максималната ќе достигне од 4 до 12 степени, информира Управата за хидрометеоролошки работи (УХМР).
Во Скопје, променливо облачно и тивко со појава на магла.
Минималната температура ќе се спушти до -2, а максималната ќе достигне до 4 степени.
УХМР најавува дека утре преку денот ќе се задржи стабилно време.
По одделни котлини ќе има појава на магла и зголемена облачност. Кон крајот на денот и во следните денови под влијание на серија влажни воздушни бранови ќе има повремени локални врнежи од дожд, наместа пообилни.
Поради спуштање на постуден воздух од север на планините и на некои од повисоките места врнежите ќе преминуваат во снег.