Времето денеска во земјава ќе биде сончево со слаб до умерен ветер претежно од југозападен правец. Минималните температури ќе бидат во интервал од 6 до 17, а максималните ќе достигнат од 26 до 34 степени. УВ индексот ќе биде 9.
Во Скопје ќе преовладува сончево време со слаб променлив ветер. Минималните температури ќе се спуштат до 13, а максималните ќе достигнат до 33 степени.
До недела времето ќе се задржи стабилно, со свежи ноќи. Дневните температури ќе се покачат, но ќе бидат во рамките на просечните за овој дел од годината. В понеделник облачноста ќе се зголеми и ќе има услови за појава на нестабилност со краткотраен пороен дож и грмежи.