Во касарната „Илинден“ во Скопје денеска ќе се одржи свеченост по повод одбележување на 29 октомври, Денот на баталјонот за воена полиција (бВП) од составот на Здружената оперативна команда (ЗОК).
Денот на единицата ќе се одбележи со соодветна програма и пригодни обраќања, доделување стимулативни мерки и тактичко-технички збор каде ќе бидат претставени материјално-техничките средства со кои располага единицата.
На свеченоста покрај командантот на ЗОК, генерал-мајор Васко Ѓурчиновски, ќе присуствуваат претставници од ГШ на АРМ, команданти на единиците лоцирани во касарната, поранешни и пензионирани команданти на единицата, претставници од цивилните структури и организации со кој единицата соработува.