Александар Трајковски е едно од лицата кое се претстави „само“ како христијанин, тврдејќи дека и него и граѓаните што учествуваа на денешниот протест не ги интересираат партии.
Сепак, Трајковски е функционер на ВМРО-ДПМНЕ и работи во Општина Гази Баба.
Од наводите на неговиот личен профил на Фејсбук може да се забележи и дека има или барем дека имал стаж и функција и во Унијата на млади сили на ВМРО-ДПМНЕ.
Во еден од неговите статуси на фејсбук, тој му го честита изборот на Диме Спасов за министер за труд и социјална политика, нарекувајќи го „нашиот Претседател Диме Спасов“.
Спасов, инаку, во февруари 2011 година беше избран за претседател на УМС на ВМРО-ДПМНЕ.