ВМРО-ДПМНЕ испрати демант во врска со веста дека Никола Тодоров ја впишал Филхармонија во Катастар пред заминување. Во демантот, партијата повторно ги дели медиумите на тие кои се и не се под контрола на СДСМ нарекувајќи ги фејк њуз.
Сепак, на крајот од демантот, потврдуваат дека одлуката која Тодоров ја потпишал во последните мигови кога беше заменик премиер е дел од операцијата за упис на државен објект во Катастар.
„Порталите финансирани од Сорос ги манипулираа граѓаните дека бившиот вицепремиер Никола Тодоров потпишал одлука за упис во катастар на недвижнини на објектот на Филхармонија, што е целосна лага и всушност станува збор за одлука за премер на објектот, а не како што се обидуваат да манипулираат овие медиуми.
Порталот ја објавува и одлуката на Владата на Република Македонија за утврдување на работите од премерот објавена во службен весник на 31-ви мај, во текстот лажејќи за нејзината содржина, презентирајќи ја како одлука за запишување, што претставува свесно манипулирање на граѓаните. Доволно е само внимателно да се погледне одлуката објавена во Службен весник за да сфатиме за што всушност станува збор. „Со оваа одлука се утврдуваат работите од премерот во функција за запишување на недвижност во сопственост на Република Македонија“, стои во демантот на ВМРО-ДПМНЕ.
Партијата сепак не најде време да објасни зошто Никола Тодоров истиот ден потпишал одлука со која на нивниот лидер, Никола Груевски му се даваат на користење два држани „пасата“.