Корисниците од улиците „Славејко Арсов“ и „Христо Чернопеев“ во општина Центар утре од 10 до 12 часот ќе останат без напојување со електрична енергија.
Од 8:30 до 9:30 часот без струја ќе бидат и дел од корисниците од булеварот „Свети Климент Охридски“ во близина на зградата бр. 50, како и од улиците „Мирослав Крлежа“, „Никола Тримпаре“ и дел од улицата „Дебарца“ во општина Центар.
Без напојување со електрична енергија во периодот од 11 до 12:30 часот ќе бидат и корисниците од населбата Илинден спроти хотелот Белви, од 10 до 14 часот струја ќе немаат корисниците од селото Радуша во општина Сарај, а од 9 до 15 часот дел од коринсиците од улиците „Стогово“, „Џумајска“, „Миле Поп Јорданов“ и дел од населбата Козле на потегот од бензинската пумпа на „Макпетрол“ до „КАМ“ маркетот во општина Карпош.
Како што информира Регионалниот центар за управување со кризи на Град Скопје, прекините во снабдувањето со електрична енергија се заради реализација на инвестициски зафати од страна на ЕВН Македонија за подобрување на квалитетот во снабдувањето со електрична енергија на корисниците во тие региони.