Делегација од општина Крива Паланка предводена од градоначалникот Борјанчо Мицевски, на покана на грдоначалникот на Бор, Александар Миликиќ, присуствуваше на свеченоста по повод одбележување на 3 октомври, ден на градот Бор.
– На главната свеченост и Свечената академија, покрај нашата делегација, присуствуваа преставници на локалните самоуправи од Борскиот и Зајачарскиот округ, збратимени градови со Бор, претставници на свештенството, војската, претставници на министерствта на Република Србија. Во рамките на оваа посета, градоначанициите на двете општини Мицевски и Миликиќ се договорија во најскоро време да ја отпочнат и постапката на збратимување, заради унапредување на веќе воспоставеното пријателство и развивање и продлабочување на можности за соработка во областа на културата, спортот, граѓанскиот сектор, младинскиот активизам и економијата, како и јакнењето и негувањето на блиските врски со големиот број на иселеници од кривопаланечкиот крај, информираат од службата за односи со јавност од Крива Паланка.
Мицевски го поканил Миликиќ на возвратна посета по повод претстојниот празник, ден на ослободување на Крива Паланка, 8-ми Октомври.