Дел од корисниците од високата зона од населбата Кисела Вода утре од 9 часот ќе останат без вода за пиење, а со намален притисок ќе биде цела населба.
Без вода утре од 09:00 часот до санирање на дефект ќе бидат корисниците од улиците „Вера Јоциќ“, „Иван Козаров“, „Ѓорѓи Димитров“, „Емил Зола“ и дел од улица „Борис Трајковски“ од број 1 до број 29, во општина Кисела Вода.
Како што информираат од Регионалниот центар за управување со кризи на град Скопје, причина за прекинот во водоснабдувањето е уличен дефект и изведување на водоводен приклучок со пречник од 200 милиметри на улицата „Христо Татарчев“ бб, кај новиот кружен тек во населбата Кисела Вода.
Корисниците ќе бидат без вода се додека екипите на ЈП „Водовод и канализација“, Скопје не завршат со работата.
