Повеќе од дванаесет часа северниот дел на Кичево е без вода за пиење. Без вода е селото Србица и други помали села поради дефект на водоводната цевка во месноста Жубрино.
– До крајот на денот снабдувањето со вода за пиење и во овој дел на Кичево се очекува да се нормализира. Екипите се на терен и работат на санирање на дефектот, кој избил во месноста Жубрино во главната водоводна цевка, во близина РЕК „Осломеј“, изјави директорот на ЈП „Комуналец“-Кичево Зенел Јонузи.
Тој апелираше граѓаните рационално да ја користат водата, а не за полевање.