Дел од централното подрачје на Скопје денеска од 9 до 15 часот ќе биде без вода поради дефект.
РЦУК на Град Скопје по добиената најава од ЈП „Водовод и Канализација“ соопшти дека поради уличен дефект од ф – 100 мм на раскрсницата помеѓу ул. Македонија и ул. Димитрија Чуповски, ќе има прекин во водоснабдувањето на корисниците од овие улици од 9 до 15 часот.
Раскрсницата кај ТЦ „Палома Бјанка“ ќе биде затворена за сообраќај од семафорот до пред Собранието, автобускиот сообраќај на Јавното сообраќајно претпријатие ќе биде пренаменет преку улицата Даме Груев од запад кон исток.