Поради пукање на една од цевките на доводниот цевковод на водоводната мрежа, Гостивар е без вода за пиење од 11 часот. Според надлежните од ЈП „Комуналец” санирањето на дефектот треба да заврши по 18 часот.
– Дефектот по линијата на доводниот цевковод помеѓу селата Вруток и Равен е забележан во текот на вчерашниот ден. Се работи за пукање на азбест-цементна цевка со пречник од 500 милиметри. Наши екипи се на терен и работат на санацијата по што ќе обезбедиме и редовно снабдување со вода, изјави Мемедали Џафери директор на ЈП „Комуналец”.
Џафери нагласи дека зачестените дефекти во овој дел се должат на застареноста на цевководот кој е изграден пред повеќе од 40 години.
– ЈП Комуналец има поднесено проект до Министерството за транспорт и врски за замена на водоводната од изворите на Вардар до пред влезот на Градот. Деновиве очекуваме и позитивен од одговор, што би значело трајно решение на ваквите пробелми, подвлече Џафери.