Вчера претпладне, во 10.10 часот било пријавено дека на влез од Габревци, радовишко, 16-годишна малолетничка од селото додека се возела на трактор „ИМТ 533“, кој бил управуван од нејзиниот дедо 60-годишниот Ѓ.А. од истото место, паднала и била прегазена од полуприколката, по што починала на местото на настанот.
Од МВР денеска информираат дека бил извршен увид на местото на настанот од Јавен обвинител и увидна екипа од Полициската станица Радовиш.