Јавната дебата на тема „Можности и предизвици за овозможување на политики за здрави работни места“ ќе се одржи денеска во Скопје во организација на Центарот за еколошка демократија Флорозон и Македонското здружение за заштита при работа.
Целта на дебатата е да се воочат легислативните јазови и остуството на законски определени стандарди за заштита на работниците на отворено кои работат во загрозено опкружување, екстремно загадување и во услови на екстремно студени и високи температури.
Дебатата се организира во рамките на проектот „Зголемување на капацитетите и зајакнување на улогата на регионалните граѓански организации за подобрување на работните услови и дијалог со државните институции‘‘ финансиран од ЕУ.