Јавна дебата „Деполитизација на Програмскиот Совет на МРТ – предуслов за независност на јавниот сервис“ ќе се одржи денеска во Скопје, во организација на Македонскиот институт за медиуми.
– На настанот ќе биде претставена компаративната анализа во чиј фокус се програмските совети на МРТ, ХРТ и РТВ Словенија, а во која се нудат и препораки за унапредување на независноста на Програмскиот совет на МРТ, соопшти МИМ.
Најавени говорници на дебатата се претседателката на Програмскиот совет на МРТ, Снежана Клинчаровa, Бранкица Петковиќ, претставник од Програмскиот совет на РТВ Словенија, и поранешната претседателка на регулаторното тело на Хрватска и поранешна директорка и уредничка на ХРТ Мирјана Ракиќ.