Советот на општина Дебар на крајот на месец мај едогласно ја подржа иницијативата и Дебар да добие сопствени регистарски таблички, но и покрај доставеното барање до надлежните, суште нема одговор.
– За таа цел формиравме петчлена комисија и по остварените разговори со претставниците на соседната општина, Центар Жупа, беше доставено барање до надлежните за добивање регистарски таблички со ознака која ќе биде за двете општини. Ние бараме на табличката да стои ДБ, но до сега немаме никаков одговор, вели претседателот на Советот, Башким Машкули.
Според Машкули и Дебар треба да има сопствени регистраски таблички, зашто многу помали општини од Дебар, како што се Делчево, Вевчани… тоа веќе го имаат. Поради тоа се надева на позитивен одговор од надлежните.
Дебар е една од малкуте општини кои немаат сопствени регистарски таблички. До пред три години, на возилата од оваа и општина Центар Жупа, стоеа регистарски таблички со ознака ОХ(Охрид) заедно со Струга, Кичево и Ресен. Од летото 2011, Дебар е со регистарски таблички СУ(Струга), но со понатамошна важност се и оние ОХ. Во општините Дебар и Центар Жупа, кои се под надлежност на полициската станица во Дебар има над четири илјади возила.