Дарко Костадиновски нов претседател на Уставен суд

Од:

По завршувањето на мандатот на Кацарска, Уставен суд остана без претседател. Пропаднаа дури осум обиди и гласања да се избере претседател, сепак судиите по координација утрово одлучиле сепак да одржат седница на која конечно е избран новиот претседател.

Како што дознаваме за нов претседател е избран Дарко Костадиновски, кој ги добил потребните 6 гласа.

Претходно се гласало и за Осман Кадриу за кого и вчера се гласаше, но не доби доволен број гласови. Но повторно Кадриу не бил избран, односно добил 5 гласа „за“, 1 неважечко ливче и три гласа против. Потоа се гласало за Костадиновски за кого гласале 6 судии, што е доволен број да биде избран.

Спогласно правилата, секој судија може да предложи кандидат за претседател на Уставниот суд. Предлогот за кандидат за претседател на Уставниот суд го утврдува комисија од тројца судии избрани со мнозинство од вкупниот број на судиите. Ако кандидатот не го добие потребното мнозинство гласови, постапката за избор на претседател се повторува.

Во четвртокот и петокот, пропаднаа шестте обиди да изберат нов претседател на Судот. Вчера судијката Ана Павловска Данева ја повлече својата кандидатура, но нејзината противкандидатка Татјана Васиќ Бозаџиева повторно не го доби потребното мнозинство.

Мандатот на претседателот на Уставен суд е три години, без право на реизбор.

Би можело да ве интересира

Здружение на судии: Разочарани сме од Уставниот суд кој наместо да ја штити уставноста на законите, се занимава со популизам

Уставен се сомнева во дискриминација при државна помош на новородени деца, поведена постапка

Уставен за иницијативата за пензионирање на Кацарска: Не престанува функцијата на уставен судија по основ на старосна

Катерина Ѓуровски

Кривична пријава за Самка Ибраимовски за заканите кон претседателот на Уставен суд

Катерина Ѓуровски

Самка Ибраимовски негира дека се заканувал на судии: Само прашал „што ако настанат убиства“

МВР: Откриено е лицето кое упатило закани кон судија на Уставен суд

Горан Наумовски