Директорот на Државниот студентски центар „Скопје“ – Скопје Крешимир Павиќ поднесе оставка на функцијата што ја извршуваше од февруари 2007 година. На негово место е именуван нов в.д. директор Даниела Темелкова.
Како што соопшти денеска Министерството за образование и наука, Даниела Темелкова е дипломиран педагог на Филозовскиот факултет при Универзитетот „Св. Кирил и Методиј“ во Скопје. Во моментов на овој факултет Темелкова го изработува магистерскиот труд во областа на „Менаџирање во образованието“.
Професионалното искуство Темелкова го стекнува преку работата како педагог во основно училиште и воспитувач во детската градинка „Буба Мара“, општина Аеродром, каде од август 2010 година ја врши функцијата директор.