Координаторот на пратеничката група на ВМРО-ДПМНЕ, Драган Данев на најавата од премиерот Зоран Заев дека Законот за јазици ќе се гласа без разгледување на амандманите вели дека тоа е против уставно и не сака да верува дека тоа ќе се случи. Данев не одговара дали тие ќе ја блокираат седницата за законот да не биде донесен, со тоа, не се исклучува оваа можност
„Не сакам да верувам дека гласањето ќе биде без да се разгледаат амандманите поднесени од ВМРО-ДПМНЕ. Уверен сум дека ќе се следи деловникот и Уставот. Амандманите мора да се разгледаат. Не учествуваме на координација со Џафери и остануваме на нашите ставови“, вели Данев.
За тоа, какви мерки ќе преземат доколку законот биде усвоен без разгледување на амандманите, Данев вели дека ова прашање сè уште го разгледуваат во неговата партија.