Градење мултиетничко, прогресивно, модерно, европско и напредно Куманово е визијата на кандидатот за градоначалник од СДСМ Зоран Дамјановски кој денеска побара граѓаните задутре масовно да излезат на избори и да му дадат поддршка за уште еден мандат.
Тој на прес-конференција изрази разочарување зашто државните институции, како што рече, се вклучени во изборниот процес.
– Поминавме исцрпувачка кампања во која беа употребени сите институции на системот во борба за локалната власт во Куманово, посочи Дамјановски.