Осовременување на добиточниот пазар вети кандидатот за градоначалник од СДСМ Зоран Дамјановски, кој денеска го посети пазарот лоциран во Којнаре.
– Во програмата е предвидено урбанизирање на овој простор. Еден дел ќе биде наменет за магацински простор, а воедно заинтерисираните ќе имаат услов за развој за лесна и прехрамбена индустрија, вели Дамјановски.
Пазарот, како што истакна, има 4,5 хектари површина која може максимално да се искористи и да се подобрат условите за производителите и купувачите, а со подобрување на условите се допринесува за создавање на амбиент за развој на лесна индустрија која пак ќе овозможи намалување на невработеноста.
– Подобрување на хигиенско- санитарната состојба на добиточниот пазар е предвидено во програмата, додава тој.
Дамјановски денеска го посети и реонскиот пазар на булеварот „Октомвриска револуција” и на закупците им вети модернизирање на пазарот, осветлување и уредување на просторот околу овој пазар. Најави дека во програмата е предвидено и целосно модерзнизирање на Зелениот пазар преку јавно приватно партнерство.
– Пазарот има површина од 10.000 метри квадратни и со јавно приватно партнерство ќе се доуреди. Во горниот дел се предвидени канцеларии, а во долниот дел ќе остане продажбата на земјоделските производи, изјави Дамјановски.