Кандидатот за градоначалникот од СДСМ, Зоран Дамјановски и носителот на листата Максим Димитриевски, денеска посетија неколку чевларски претпријатија и ветија дека локалната власт ќе преземе мерки за создавање услови за локалниот економски развој.
– Од најголем индустриски град, Куманово стана загубар и наша задача е создадеме услови за локалниот економски развој. Во програмата е предвидено отворање на економска зона, горилница, што ќе придонесе за локалниот економски развој. Чевларството во Куманово мора да се стимулира, зашто е водечка гранка во општината, изјави Дамјановски.
Економската зона според Дамјановски на стопанствениците им нуди површина од 600.000 метри квадратни, а општината ќе инвестира во инфраструктурно уредување, патна инфраструктура, водводна и канализациона мрежа со што ќе овозможат оптимални услови за стопанствениците да инвестираат средства за развој на мали и средни претпријатија.
Кандидатот за градоначалник од СДСМ, Дамјановски вети и изградба на горилница која ќе овозможи решавање на проблемот со цврстиот отпад.