Изградба на детска градинка во кумановската населба „Перо Чичо“, вети кандидатот за градоначалник од „Сојузот за иднината“ предводена од СДСМ, Зоран Дамјановски.
– Ова е местото каде ќе се гради детска градинка во наредните четири години. Освен во оваа населба предвидена е изградба на градинки во населбите „Карпош“ и „Тоде Мендол“, рече Дамјановски, додавајќи оти локалната власт во изминатиот период вложувала значителни средства за социјалната заштита.
За оваа населба, потенцира тој, со гордост може да кажам дека беа изградени доста инфраструктурни проекти како што е големата спортска сала, улица „Ѓуро Пуцар – Стари“, делот од „Гладно поле“.
Дамјановски информира дека за оваа населба планирани се бројни инфраструктурни проекти кои ќе ги реализира, како што рече, во идниот мандат.