Градоначалникот на Куманово, Зоран Дамјановски денеска на жителите во населбата Иго Тричковиќ им вети дека ќе ги реши комуналните проблеми и невработеноста.
Ова голема урбана средина имаше и се уште има отворени комунални проблеми, кои се надевам ќе ги решиме во наредниот период. Досега ги решивме главните сообраќајници, цевководи кои ги работевме заедно со проектот на месната заедница, а во иднина се надеваме да направиме асфалт до секоја улица. Тоа е една од заложбите, бидејќи тие две работи одат паралелно – изјави градоначалникот.
Тој додаде дека во следниот мандат ќе се фокусира на економскиот развој, бидејќи во градот, како и во населбата, има многу невработени луѓе.
Најави дека официјалната промоција на кандидатите за градски советници и неговата промоција за кандидат за градоначалник ќе се одржи во петок, во Центарот за Култура од 19 часот.
Елена Георгиевска
