Хортикултурно уредување, два мини парка и довршување на неколку улици во кумановската населба „Гоце Делчев“, вети кандидатот за градоначалник од СДСМ и Сојузот за иднината Зоран Дамјановски на вечерашниот мини митинг на кој презентираше дел од проектите опфатени во програмата „Наше маало“.
– Куманово и во наредниот период ќе продолжи да се гради, задржувајќи го концептот на модерно мултиетнчико европско Куманово кое ќе пружи еднакви можности за развој, рече Дамјановски.
Пред жителите од „Гоце Делчев“ Дамјановски најави хортикултурно уредување помеѓу стамбените единици и во близина на училиштето „Кочо Рацин“, а воедно најави реконструкција на улиците, поставување на тротоари и довршување на канализациската мрежа на потегот кон „Васко Карангелевски“.
Дамјановски ги најави и клучните проекти изградба на еколошко-енерегетски комплекс, горилница за цврст отпад во Доброшане, како проект на североисточниот регион кој со средства од европските фондови и јавно приватно партнерство ќе овозможи решавање на проблемот со цврстиот отпад, изградба на административно-деловен комплекс во строгиот центар на градот, завршување на базенот, спортски сали, три градинки, изградба на економска зона.
