[staff name=”Eлена Георгиевска” position=”Автор”][/staff]Градоначалникот на Куманово, Зоран Дамјановски ги истакна причините поради кои не поднесе кандидатура за трет мандат и не достави листа на советници, за претстојните локални избори.
-Во Куманово каде со години имавме успешна работа и голема поддршка од граѓаните, ние се одлучивме за ваков акт. Нашите лични интереси, пред се на мене како кандидат, на луѓето кои работат во локалната администрација, директорите на јавните претпријатија, се под интересите на државата – изјави Дамјановски.
Градоначалникот додаде дека ќе организираат протести и ќе пружат отпор се додека не се реши политичката криза во Македонија, за која верува дека може да се надмине со дијалог, поставување на проблемите на маса и на крај распишување на вонредни парламентарни избори.
-Народот е тој кој може да одлучи дали сака да живее во ваква држава или ќе правиме некоја промена. Ако продолжиме со ваков начин на политичко дејствување во државата, иднината не ни е светла. Ги охрабрувам нашите граѓани, пред се фанови, симпатизери да не следат и во наредниот период, оваа тешка борба да ја извојуваме до крај. Цврто сум убеден дека ќе имаме добра завршница, и на крај ќе победи народот и демократијата – истакна Дамјановски.