Некои слики од македонското здравство се очајни, како во времето по Втората Светска војна. И додека се продава „магла“ дека македонското здравство е меѓу првите во Европа и со најдобри услови, пациенти од инфективната клиника во Штип покажуваат какви се чиниите во кои ја добиваат храната и прашуваат – дали треба да се лечат или дополнително да се заразат?
Се чини дека чиниите потекнуваат од пред половина век.
А1он веќе објави дека пациентите на штипската клиника добиваат и голема парка леб и „посебна салама“ за доручек, иако владата фрли огромни пари за реклами во кои не советуваше дека саламата е штетна за здравјето. Веднаш реагираа од клиниката со објаснување дека храната за доручек е различна секој ден и во однос на калоричноста одобрена е од санитарна здравствена инспекција.
„Се почитуваат и сите здравствени нормативи во однос на тие пациенти кои треба да се хранат диетално додека се на престој во болницата ( консумирање млечни производи и храна која не е многу калорична).Начинот на набавка на храна е преку спроведена тендерска постапка на која се јавуваат фирми регистрирани за таа цел“, пишуваше во реакцијата на Клиничка болница Штип.