Српскиот премиер и министер за внатрешни работи Ивица Дачиќ утре пристигнува во дводневна посета на Македонија.
Покрај средбата со неговиот македонски колега Никола Груевски, Дачиќ ќе учествува на академијата во МОБ утревечер, по повод празникот Свети Сава, соопшти владата на Србија.
Дачиќ утревечер во салата на Македонската опера и балет ќе има обраќање на Светосавската академија.
В понеделник, премиерот на Србија со воени почести пред зградата на македонската Влада ќе биде пречекан од премиерот Никола Груевски, по што двајцата премиер ќе се состанат.
