Либерално-демократската партија е крајно загрижена од денешните случувања во Куманово, поради што ги повикува граѓаните на смиреност и воздржаност од било какви провокации кои би можеле да го загрозат човечкиот живот и имотот на граѓаните.
ЛДП ги повикува граѓаните на разумност, воздржаност и постапување со ладни глави.
Кумановското сценарио е продукт на болни умови за дестабилизација на државата и пренасочување на вниманието на јавноста од политичката криза во која падна Р.Македонија по обелоденувањето на аферата со прислушувањето.
Да не дозволиме да гинат невини граѓани заради остварување на политички цели.
Македонскиот народ без оглед на етничката и религиозна припадност, без оглед на политичката припадност, во овие тешки денови за македонската демократија мора да остане на страната на вистината и правдата.