Носителот на листата на пратеници од ГРОМ во Втората изборна единица, Виктор Цветковски денеска оствари средба со граѓаните на месната заедница „Панче Пешев“ во општина Куманово.
– Оваа заедница е една од најурабните во општина Куманово. Граѓаните се повеќе ни даваат поддршка, во вториот круг очекуваме многу повеќе гласови. Гласајќи за ГРОМ, граѓаните гласаат за себе, рече Цветковски.
Посочи дека ГРОМ ќе биде третата опција.
– Коалицијата ГРОМ ќе покаже дека во Македонија може да се делува поодговорно, поискрено, поблиску до граѓаните. Ќе ставиме крај на сиромаштијата, на партиските и политичките лаги кои ги слушаме од поединци, претставници од политичките партии кои упорно го конфронтираат народот, ќе ставиме крај на поларизацијата, додаде Цветковски.
