Носителот на листата од ГРОМ од Втората изборна единица, Виктор Цветковски денеска во Куманово презентираше дел од мерките опфатени во програмата на Коалцијата за претсојните парламентарните избори.
– Во Програмата се планираат буџетски средства за корисни нешта, за инфраструктура, конкурентни мерки во земјоделството и суштински реформи во сите институции. Во неа пред се е предвидена поддршка на домашните мали и средни претпријатија, реални и одржливи мерки за загрозените социјални категории, но и за брзи промени за подобар квалитет на живот за сите, рече Цветковски.
ГРОМ,посочи, ќе се залага за спречување на корупцијата, за отстранување на административните процедури кои создаваат услови за корупција, како и за намалување на прекршочните казни.
– Нашите проекти се сериозни, реални и остварливи, насочени кон креирање нови работни места и нови вработувања, рече Цветковски.
Тој истакна дека ГРОМ е партија која расте и станува конкурент на другите партии кои делуваат на политичката сцена и ги повика граѓаните да гласаат на 27 април за, како што потенцира, да се формира пратеничка група која ќе работи во интерес на граѓаните.