Интегрален текст од прес конференцијата на претседателот на ОО ЛДП Битола, Томе Цветковски:
Либерално-демократската партиај денеска ќе изнесе неколку факти за тоа дека Битола не функционира нормално и Владимир Талески, во интерес на сите граѓани, мора веднаш да поднесе оставка.
ЛДП ќе ја запознае јавноста со состојбите во битолското образование и начинот на кој ДПМНЕ ја практикува власта.
Според официјално достапните документи, директорите на неколку училишта во градот се со поминат мандат и според нас одлуките кои ги донеле во овој период не можат да бидат законски и не се одржливи.
На директорот на Битолската гимназија, ВД мандатот му истекол на 11.07.2016 и истиот до сега не добил продолжување.
Директорката на средното медицинско училиште и покрај тоа што е под истрага за “Транспортер“, направи долг од 250.000 евра, доби две препораки од антикорупциската комисија за нејзина смена, сеуште безгрижно седи во директорската фотелја а мандатот и истекол на 10.07.2016. Јавно прашуваме, што треба да направи за истата да биде сменета од директорското место?
ВД мандатот уште на 29.07.2016 и истекол и на директорката на “Кирил и Методиј“, а во “Ѓорги Сугаре“ решението за избор истекува за два дена.
Овие аргументи покажуваат дека во Битола владее организиран хаос, а ДПМНЕ продолжува да ја негира реалноста која му се случува на градот.
Затоа, за излез од кризата во која Битола се наоѓа во последните 12 години, уште еднаш ги повторуваме нашите две барања:
1. Итна оставка на Владимир Талески од местото градоначалник и
2. Одржување на избори за градоначалник на 11-ти Декември заедно со парламентарните избори.