ЦУК се справи со пет пожари на отворено во едно деноноќие

Од:

Изминатото деноноќие имало пет пожари на отворено во државава, соопшти Центарот за управување со кризи (ЦУК).

Според Регионалниот ЦУК Скопје, пожарникарите од БППЗ на Град Скопје од 15:50 до 16:50 часот со четворица пожарникари и едно противпожарно возило интервенирале на запалена нива на површина од околу 2 000 m2 во село Марино, општина Илинден. Пожарникарите имале и една помала интервенција поради запалено ѓубре во село Орман во општина Ѓорче Петров.

РЦУК Битола информирал дека екипа на ТППЕ Битола во период од 15:05 до 16:35 чаост, со тројца пожарникари и едно противпожарно возило интервенирале на запалена ниска вегетација близина на бензинската станица на „Лук Оил“ кај село Кравари.

РЦУК Велес информирал дека пожарникарите од ТППЕ Кавадарци од 13:00 до 18:00 часот, со четворица пожарникари и две противпожарни возила интервенирале на запалена ниска вегетација и трска на површина од три хектари во атарот на село Рибарци.

РЦУК Штип информирал дека пожарникарите од ТППЕ Кочани од 10:40 до 11:30 часот, со двајца пожарникари и едно противпожарно возила интервенирале на запалена градска депонија во Кочани.

Во соопштението од ЦУК е наведено дека во последното деноноќие имало вкупно 2 187 повици на Единствениот повикувачки број за итни случаи 112, од коишто „реални“ повици биле 40,79 отсто, а 59,21 проценти биле за други потреби на граѓаните што не биле итни.

Кон полиција биле упатени 65,31 отсто, кон итната медицинска помош 30,61 проценти, а кон пожарникарите 2,72 отсто, од реалните повици кон 112 во ЦУК.

Би можело да ве интересира

Догорче од цигара причина за пожарот во ГОБ „8 Септември“, нема повредени

Пожар во болницата „8 Септември“ во Скопје, пациентите се евакуираат

Горан Наумовски

Пожар во подземниот паркинг на КАМ мол во Ѓорче Петров, евакуирани посетителите

Горан Наумовски

Изгорен стан во Белград, во ходникот пронајдено тело на 55 годишник

А1он

Двајца пожарникари загинаа додека гасеа пожар во близина на Атина

Нема повредени при запалените куќи на Бит-пазар, полицајци сѐ уште присутни на лице место