Центарот за управување со кризи, поради високите температури кои се очекуваат и ризикот од избувнување пожари, упатува апел до граѓаните да внимаваат при посети на отворени места или при работни активности во шумите и да не користат запалливи материи, кои можат да предизвикаат пожар од пошироки размери.
Истовремено, ги потсетуваат граѓаните, доколку забележат одредени сомнителни места во кои е присутен оган или дим, веднаш да ги известат надлежните служби во најблиските институции и установи или да се јават на телефонскиот број 195, во Центарот за управување со кризи.
ЦУК апелира бројот да не се злоупотребува за лажни повици, кои, како што наведуваат во денешното соопштение, би предизвикале несакани последици по мирот, спокојството и безбедноста на граѓаните.