ЦУК: Да не се палат ниви и диви депонии, се уште има пожари на отворен простор

Од:

Во последното деноноќие пожарникарите од Штип и од Велес интервенирале на запалена ниска вегетација во Штипско и Велешко. Пожарникарите од Скопје интервенирале на запалено ѓубриште на површина од 50 квадратни метри во село Бардовци, Општина Карпош, соопшти Центарот за управување со кризи (ЦУК).

ЦУК апелира да не се палат стрништа на нивите, да не се палат отпадоци и диви депонии во овој период од годината кога има загаден воздух во Скопје и во други градови.

– Тоа, покрај што е законски забрането, е од причина што палењето – пожарите на отворен простор се уште ги има. Мал број се, но, ги има, наведуваат од ЦУК.

Во Центарот за управување со кризи, според последниот извештај, имало вкупно 1.876 повици на Единствениот број за итни случаи 112 во последното деноноќие. Од нив „реални“ повици биле 39,82 отсто, а 60,18 отсто други, именувани како „неитни повици“.

Кон полиција биле упатени 58,55 отсто од повиците, кон итната медицинска помош 35,64 отсто, кон пожарникарите 2,55 отсто, а кон АМСМ 0,36 отсто од повиците од 112.

Би можело да ве интересира

ЦУК: Исчезнатите државјани на Полска кои се изгубија на Водно се пронајдени и се на безбедно

Горан Наумовски

На Водно се изгуби полски државјанин, започната е голема потрага по него

Горан Наумовски

ЦУК: Од вкупно 22 пожари денес, само пет се активни

ЦУК: Од девет регистрирани пожари, четири се активни

ЦУК: Од вкупно 29 пожари во изминатите 24 часа, само три се активни

Горан Наумовски

ЦУК: Со денови гори букова шума на Кожуф