Претседателот на СДСМ Бранко Црвенковски, денеска, по повод големиот христијански празник Рожденство Христово Божик, упати честитка до поглаварот на Македонската православна црква, архиепископот охридски и македонски, господин господин Стефан и до сите верници од православна вероисповед во Република Македонија.
– На овој голем ден се потсетуваме на Неговото велико и спасоносно дело, дело кое целото човештво го упати на патот кон правдата, вистината и вредноста на човечкиот живот.
Прославувајќи го Христовото раѓање ја славиме безусловната љубов и мирот меѓу сите луѓе во светот и заради тоа треба да бидеме благодарни за Неговата милосрдност и бескрајна љубов. Убеден сум дека МПЦ ќе продолжи да го дава својот придонес во зголемувањето на свеста за значењето на нашата вера која се темели на љубовта, мирот, меѓусебното почитување, толеранцијата и солидарноста, се вели во честитката.