Предвремени парламентарни избори во Македонија ќе има, рече лидерот на СДСМ Бранко Црвенковски на митингот во Неготино каде беше претставен кандидатот за градоначалник на „Сојузот за иднината“, Силвана Филипова.
– Овде во Неготино одиме на сигурно со кандидат кој ја заслужува вашата доверба. Ние се гордееме со неа, а и вие ќе се гордеете со неа како градоначалник. Човек со биографија, доктор на наука, хуманист, активист во невладиниот сектор, рече Црвенковски.
Тој додаде дека оваа власт ги скарала блиските помеѓу себе.
– На 24 декември треба да ги стигне народната казна. Заслужуваат да бидат казнети и никогаш да не им биде простено, нагласи Црвенковски.