Лидерот на СДСМ прашан дали за прозивките од портпаролот на ВМРО-ДПМНЕ Александар Бичикслиски дека е вмешан во шверц со нафта рече дека неманамера да го тужи.
„Немам намера две минути од животов да посветам на Бичиклиски“, изјави Црвенковски.
Тој кажа дека Магаш не го нарекол криминалец.
„Не го нарекувам јас него криминалец, тие така го прикажаа, и тоа угледен криминалец, никогаш не разбрав што значи тоа угледен криминалец. Криминалец е криминалец. Значи ако целата битка на оцрнување против мене се заснова на изјави на такви сомнителни типови дадени пред две или три години, на некаква локална босанска телевизија, јасно е дека буквално немаат ништо.
– Дека е тоа една празна реторика, дека е тоа една измислена кампања без било каква основа. Да ве потсетам, тие се веќе седма година на власт. Се е во нивни раце, Министерство за внатрешни работи, Обвинителство, Судство. Ако имаат било каков доказ, за било што во оваа земја, за криминал против мене или било кого тие треба да покренат постапка, да поднесат пријава, да отворат постапка и процедура пред судот.
– Тие тоа не го прават, туку се повикуваат на изјава на некаков сомнителен тип од Босна. Ние вечерва, јас и Вие, ќе најдеме некој да даде изјава за било кого во Македонија. Меѓутоа, тоа нема врска со правна држава, уште помалку со одговорна власт“, рече Црвенковски.